Thursday, November 26, 2009

හැම පරිගණකයකම වගේ තියෙන සෙල්ලමක්

ඔන්න කාලෙකට පස්සෙ බ්ලොග් එක පැත්තේ ආවෙ. අද මට ලියන්න හිතුනා ගේම් එකක් ගැන. මම බ්ලොග් එක පටන් ගනිද්දිම හිතාගෙන හිටියෙ ගේම් ගැන ලියන්න. හැබැයි වෙන වෙන දේවල් තමයි මෙච්චර කල් ලියල තියෙන්නෙ. මේ කියන පරිගණක සෙල්ලම පෙර නියමයෙන්ම හුගක් පරිගණක වල තියෙනවා. ඒ කියන්නේ අමුතුවෙන් ස්ථාපන කරන්න අවශ්‍ය නෑ. වින්ඩෝස් වල නම් තියෙන්නේ Minesweeper කියලා. උබුන්ටු වල මේකම තියෙනවා Mines කියලා. Windows වල නම් Start -> All Programs -> Games -> Minesweeper Ubuntu වල නම් Applications -> Games -> Mines හුගක් අය කම්පියුටරෙන් කාඩ් ගේම් සෙල්ලම් කරත් බිම්බෝම්බ හොයන මේ සෙල්ලම කරන්න කැමති නෑ. ලොකුම හේතුව තමයි මේක තේරෙන්නේ නැති කම. සමහරු හිතන්නේ මේක කණාවට ගහන එකක් කියලා. මම කියන්නම් සෙල්ලම කරන හැටි. හරිම සරලයි. ගේම් එකේ මූලික අරමුණ තමයි අඩුම වේලාවකින් බිම්බෝම්බ සියල්ල සොයාගැනීම. මුලින්ම අලුතෙන් ගේම් එක පටන් ගත්තහම එන්නේ පහලින් තියන වගේ වින්ඩෝ එකක්. මම මේක ගත්තේ wndows 7 වලින්. windows xp වල පෙනුම ටිකක් වෙනස්. හැබැයි සෙල්ලම් කරන විදිහේ කිසිම වෙනසක් නැහැ.
මේකෙ තියෙන කොටු වලින් සමහර කොටු වල බිම්බෝම්බ තියෙන්න පුලුවන්. මේ කොටු ටික තමයි අපිට හොයාගන්න තියෙන්නේ. කොහෙන් හරි පටන් ගන්න එපැයි. බය වෙන්න දෙයක් නෑ. පලවෙනියටම ඔබන කොටුවේ බෝම්බ නෑ. ඒක නිසා කැමති කොටුවක් ඔබලා පටන් ගන්න පුලුවන්.
හොඩක් වෙලාවට පලවෙනි ක්ලික් එකෙන් කොටු එකකට වඩා ඇරෙනවා. ඒක නිසා වැඩේ ලේසියි. හැබැයි හදිස්සියෙන් පහල රූපය වගේ අවස්ථාවක් ආවොත් ආපහු වෙන තැනක කොටුවක් ඔබලා බලන්න වෙනවා.
ඔන්න දැන් පොටක් පෑදිලා තියෙනේ බිම්බෝම්බ හොයන්න. පහල රූපය බලන්න.
මම රවුම් කරල තියෙන තැන තියෙන්නේ 1 ඉලක්කම.
මේකෙන් කියන්නේ රවුම් කරපු කොටුව වටේට තියෙන කොටු 8න් එකක අනිවාරයෙන් බෝම්බයක් තියෙනවා කියලා.
දැනටමත් විවෘත කරන්න ඉතුරු වෙලා තියෙන්නේ එක කොටුවයි. (5 වැනි කොටුව) ඒ නිසා ඒ කොටුවේ අනිවාරයෙන්ම බිම්බෝම්බයක් තිබිය යුතුයි.
ඒ කොටුව right click කිරීමෙන් බෝම්බයක් තිබෙන බවට සලකුණු කරන්න පුලුවන්. මේ විදිහට සලකුණු කිරීම අනිවාර්‍ය නැහැ. ඒත් අපේ පහසුව සදහා සලකුණු කරගන්න පුලුවන්.
දැන් අපි බලමු ඒ ලගම තියන අනිත් 1 ඉලක්කම. ඒ වටේත් ඇති කොටු 8 විවෘත කර නැත්තේ එක කොටුවයි (5 වැනි කොටුව). එනිසා මෙහි බිම්බෝම්බයක් තිබිය යුතුයි.
ඊලගට රතුපාටින් රවුම් කර ඇති 2 ඉලක්කම. එහි අදහස 2 ඉලක්කම වටා ඇති කොටු 8න් කොටු දෙකක බිම්බෝම්බ ඇති බව. දැනටමත් රතු පාටින් දක්වා ඇති 4 සහ 6 කොටුවල බිම්බෝම්බ තිබෙන බව අපි දන්නවා. එනිසා රතු පාටින් දක්වා ඇති 5 වෙනි කොටුවේ බෝම්බයක් තිබෙන්න විදිහක් නැහැ. ඊට හේතුව 2 ඉලක්කම වටා තිබෙන්න පුලුවන් බෝම්බ ගණන 2 පමණක් වීමයි.
මේ ආකාරයටම රූපයේ 1 ඉලක්කම වටා බෝම්බ තිබිය හැක්කේ 1ක් පමණයි. දැනටමත් 4 කොටුවේ බෝම්බයක් තිබෙන බව දන්නා නිසා 5 කොටුවේ බෝම්බ තිබෙන්න බැහැ.
රූපයේ පෙනෙන විදිහට අවස්ථාවක් ආවොත් රවුම් කර ඇති 2 ඉලක්කමට සාපේක්ෂව 4 හෝ 5 කොටු ව්ල බෝම්බ තිබිය හැකියි. මෙවැනි වේලාවක අපිට හරි කොටුව තෝරාගන්න බැහැ. ඒ නිසා වෙන මුල්ලකින් බෝම්බ සෙවීම පටන් ගන්න වෙනවා. පසුව මෙතැන විසදීමට හැකි වේවි.
මම හිතනවා දැන් සෙල්ලම නොතේරුන අයට තේරෙන්න ඇති කියලා. ඉක්මනින් කල්පනා කරලා ඉක්මනින් තීරණ අරගෙන බෝමබ ඔක්කොම අඩුම කාලයකින් සෙවීම තමයි අබියෝගය. බෝමබ සෙවීමට ගිය වෙලාව ප්‍රතිචාරයක් විදිහට සටහන් කරන්න!

Tuesday, September 29, 2009

බණ අහන හැටි

බණ ගෙදරකදි ජංගම දුරකතනයේ ශබ්දය ක්‍රියා විරහිත කරන්න නොදන්න අයට..

ජංගම දුරකතනයේ # බොත්තම තත්පර කිහිපයක් තදකරන්න.

නැතිනම් phone settings වෙත ගොස් එහි profile මෙනුවෙන් silent තෝරන්න

Tuesday, August 18, 2009

ගූගල් ක්‍රෝම් Bookmarks

ඔන්න මම කාලයක ඉදන් බලාගෙන හිටපු දෙයක් අලුත් ක්‍රෝම් 4.0 න් ඇවිත්. ඒ තමයි ගූගල් ක්‍රෝම් එකට ගූගල් බුක්මාර්ක් එකතු කරන එක. අනිකුත් බ්‍රවුසර වල ගූගල් ටූල්බාර් හරහා බුක්මාර්ක් ඕනම තැනක ඉදන් පාවිච්චි කරන්න පුලුවන්කම තිබුනත් ක්‍රෝම් හි මෙම පහසුකම මෙතෙක් තිබුනේ නැහැ.

මෙහෙමයි වැඩේ කරන්නේ.

මුලින්ම ක්‍රෝම් dev channel එකට මාරු වෙන්න වෙනවා. මොකද ඒකට තමයි 4.0 එක දැනට ඇවිත් තියෙනේ. මේක development channel එක වුනත් සෑහෙන්න stable. බොහොම කලාතුරකින් තමයි ප්‍රශ්නයක් ඇතිවෙනේ. එහෙම වුනත් පැය කීපයක් ඇතුලත නැවත යථා තත්වයට පත් කරනවා. Google Chrome Channel Changer වෙත ගිහින් බාගත කරගෙන dev channel එකට මාරු වෙන්න. ඉන්පසු ක්‍රෝම් වල ස්පැනර් එක -> About Google Chrome වෙත ගියාම ඔබට පෙනෙයි updates බාගත කරන හැටි.

දැන් ගුගල් ක්‍රෝම් අයිකන් එකේ properties ගිහින් target කොටුවේ chrome.exe එකට පසු --enable-sync යොදා ගුගල් ක්‍රෝම් විවෘත කරන්න.

දැන් ස්පැනර් එක -> Import BOokmarks & Settings වෙත ගියවිට එන popup එකේ dropdown මෙනුවෙන් Google Toolbar තෝරා Import ඔබන්න.

දැන් ක්‍රෝම් වල බුක්මාර්ක් ටූල්බාර් එකේ Other Bookmarks තුලට Google Bookmarks import වී ඇති.

Wednesday, April 1, 2009

css සිංහලෙන්

ෆයර්ෆොක්‌ස්‌ 3.0 සහ IE 8 නිකුතුවට පසු css සදහා සිංහල unicode සහයොගීතාව ලබා දුන්නා. මෙය අපේ රටේ වෙබ් අඩවි නිර්මාණකරුවන්ට විශාල ජයග්‍රහනයක්‌. මම අද පෙන්වන්නම් css සදහා සිංහල unicode යොදාගන්න ආකාරය.

සාමාන්‍ය ආකාරයටම html යොදාගන්න පුලුවන්.

උදා:

<div id="හිස"> 
    හිස සදහා
</div>
<div id="බඳ">
    බඳ සදහා
</div>
<div id="පාදය">
    පාදය සදහා
</div>

අපි දන් සිංහලෙන් css එක ලියමු

#හිස { 
   අකුරු වර්ණය: රතු; 
   උස: පික්‌සල 100;  
   පසුබිම් වර්ණය : ලා නිල්;
   අකුරු ප්‍රමාණය : විශාල;
} 
#බඳ {
   අකුරු වර්ණය: රතු;    
   පසුබිම් වර්ණය : ලා අලු; 
} 
#පාදය {
   අකුරු ප්‍රමාණය : කුඩා;
} 

ඔබත් පාවිච්චි කර බලන්න. තවත් වෙබ් අඩවි නිර්මාණකරණය පිලිබද තොරතුරු රැගෙන ලගදීම එන්නම්.

Happy April Fools Day!

Wednesday, March 11, 2009

Windows 7 වල මම කැමති දේ

ඉදිරියේදි නිකුත් වීමට නියමිත අලුත්ම Windows වෙලුම තමයි Windows 7. අගෝස්‌තු පලවෙනිදා වෙනකන් beta සංස්‌කරනය නොමිලේ පාවිච්චි කරන්න පුලුවන් නිසා මටත් හිතුනා උත්සාහ කර බලන්න. දැනට මාසයක්‌ විතර සැහෙන්න හොඳින් වැඩ කල නිසා මේ ගැන බ්ලොග් සටහනක්‌ ලියන්න අදහස්‌ කලේ.

ඇත්තටම Windows 7 beta තත්ත්වයේ තවම තිබුනත් Windows Vista වලට වඩා ගොඩක්‌ ස්‌ථායී(stable). මම පාවිච්චි කල කාලය අතරතුර එක වරක්‌ වත් stuck උනේ නැහැ.System resources පාවිච්චියත් සතුටුදායක මට්‌ටමක තියෙනවා. මම ස්‌තාපනය කල පරිගණකය සාමාන්‍ය core 2 duo processor සහ 2GB RAM සහිත Onboard Graphics ඇති එකක්‌. මට දැනගන්න ලැබුනා අඩු RAM ප්‍රමාණ වලත් Windows 7 හොදින් ක්‍රියා කරන බව.

Windows 7 වල ඉතා සිත්ගන්නාසුලු අංග රාශියක්‌ තිබෙනවා. මම ඒවා තිරපිටපත් සමග ඉදිරිපත් කරන්නම්.

windows 7 desktopWindows 7 Desktop

මම Windows 7 වල වඩාත්ම කැමති අංගය එහි task bar එකයි. වැඩි ඉඩක්‌ ගන්නේ නැතිව ඉතාමත් පහසුවෙන් පාවිච්චි කල හැකි task bar එකක්‌ windows 7 සතුව තිබෙනවා. එහි අපි නිතර පාවිච්චි කරන වැඩසටහන් වල shortcut තබාගන්න පුලුවන්. ඒ වගේම දැනට විවෘත වැඩසටහන් පෙන්වන්නේත් එතැනමයි.

windows 7 taskbarWindows 7 Taskbar

වැඩසටහනක කලින් වැඩ කල පිටුවක්‌ විවෘත කරන්න අවශ්‍යනම් කල යුත්තේ එම අයිකන කිරීම පමණයි. එහිදී මතුවන මෙනු එකෙන් අපි කලින් වැඩකරමින් සිටි ගොනු පෙන්වනවා.

windows 7 taskbarWindows 7 Taskbar

Taskbar එකේ icon mouseover කරද්දී දැනට විවෘතව ඇති windows පෙන්වනවා.

windows 7 taskbarWindows 7 Taskbar

Windows 7 වල තවත් වැදගත් අංගයක්‌ තමයි Notification Icon Manager එක. මෙයින් System Tray එකේ එන කුඩා අයිකන පාලනය කරන්න පුලුවන්.

windows 7 taskbarWindows 7 Taskbar

මම මේ කිව්වේ User Interface එක අතින් windows 7 වල මම කැමති දේ. Backend ගැන ඉදිරි post එකක කතා කරමු!

Friday, February 13, 2009

ලෝක විනාශයද ? හික්‌

ඔන්න ජීවිතේටම එක වතාවක්‌ වෙන සිද්දියක්‌ තව ටික වෙලාවකින් වෙනවා.

ඒ තමයි unix time එක 1234567890 ලෙස සටහන වීම.

මොකද්ද මේ unix time..

Unix time යනු 1970 ජනවාරි මස පලමුවැනිදා සිට ගතවූ තත්පර ගනන වේලාව ලෙස දක්‌වන ක්‍රමයයි. කොටින්ම කියනවා නම් පරිගනකය වේලාව බලන්නෙ unix time එකෙන්.

1970 ජනවාරි මස පලමුවැනිදා සිට තත්පර 1234567890 ගත වීමට තව වැඩි වේලාවක්‌ නැහැ :).

countdown

Monday, February 9, 2009

Techකතා - ටෙක්‌නොලොජි සිංහලෙන් !

කාලයක ඉදන් හිතේ තිබ්බ අදහසක්‌ ඔන්න අපේ කට්‌ටිය එකතු වෙලා ක්‍රියාත්මක කෙරුව :). Techකතා. ටෙක්‌නොලොජි ගැන සිංහලෙන් කතා කරන අපි කාගෙත් වෙබ් අඩවියයි මේ!

techkatha.com

මේක අපි කරන්නේ podcast එකක්‌ විදිහට. ඕනම කෙනෙක්‌ට තමන්ට මුහුනපාන්න සිද්ද වෙච්ච ටෙක්‌ ගැටලු ඉදිරිපත් කරන්න පුලුවන්. ගැටලු ඉදිරිපත් කිරීමේදී http://techkatha.com/contact/ හි ඇති ෆෝරමය එවීම, info(at)techkatha(dot)com වෙත පනිවුඩයක්‌ එවීම හෝ skype මගින් කතාකර ගැටලුව ඔබේ කටහදින්ම ඉදිරිපත් කිරීම කරන්න පුලුවන්. අපි හැම සතියකටම වරක්‌ එනවා ඒ ගැටලුවලට පිලිතුරු සහ තවත් විශේශාංග සමගින්.

දැනට අපි වැඩසටහන් තුනක්‌ම පලකරා නේ. ප්‍රතිචාර නම් උපරිමයි. ඉදිරියටත් හැකි උපරිම ලෙස වැදසටහන කර ගෙන යෑමට උත්සාහ කරනවා! නොවරදවා අහන්න :)